“ஒருதலையான் வந்துறூஉ மூப்பும், புணர்ந்தார்க்கு
இருதலையும் இன்னாப் பிரிவும், - உருவினை
உள் உருக்கித் தின்னும் பெரும்பிணியும், இம்மூன்றுங்
கள்வரின் அஞ்சப் படும்.” -- திரிகடுகம்.
மனிதனுக்கு உறுதியாக வந்து அடையும் கிழப் பருவமும்; நட்புச் செய்து பிரிந்தவருக்கும் பிரியப்பட்டவர்க்கும் துன்பத்தைத் தருகின்ற பிரிவும், உள் இருந்தே உருவத்தை அழிக்கின்றதும் மருந்து முதலியவற்றால் தீராதவையும் ஆன நோய்களும், ஆகிய இம்மூன்றும் திருடருக்கு அஞ்சுவது போல அஞ்சப்பட வேண்டியவை ஆகும்.
திருடருக்கு அஞ்சி எச்சரிக்கையாய் இருப்பது போல, உறுதியாக வரக்கூடிய முதுமை, நண்பரிருவர்க்கும் விருப்பமில்லாத பிரிவு, உருவினை அழிக்கும் நோய் இம் மூன்றுக்கும் அஞ்சிச் செய்ய வேண்டுவனவற்றைச் செய்து எச்சரிக்கையாய் இருக்கவேண்டும்.
No comments:
Post a Comment