“வல்லவர்பால் கல்வி, மதம் ஆணவம் போக்கும்;
அல்லவர்பால் கல்வி, அவை ஆக்கும்; - நல்லிடத்தில்
யோகம் பயில்வார் உயர்ந்தோர், இழிந்தோர்கள்
போகம் பயில்வோர் புரிந்து.” -- நீதிவெண்பா.
உயர்ந்தவரிடத்தில் உண்டான கல்வி, அறியாமையையும் ஆணவத்தையும் ஒழிக்கும். அக் கல்வியில் சிறந்தோர் நல்ல இடங்களில் இருந்து இறைவனை வணங்கும் யோகத்தைப் பயில்வர். நல்லவர் அல்லாத தாழ்ந்தோர் இடத்துள்ள கல்வி, அறியாமையையும், ஆணவத்தையும் மிகுவிக்கும். ஆதலால், அக் கீழோர் கீழான உலக வாழ்க்கையினை விரும்பி, போகத்தை அனுபவித்துக் கொண்டு இருப்பார்கள்.
(மதம் – அறியாமை, ஆணவம் - செருக்கு. யோகம் - இறைவனை விடாது தியானித்தல். போகம் - சிற்றின்பம். புரிந்து - விரும்பி.)
No comments:
Post a Comment