பொய் சொல்லுதல் பாவம்.
-----
பொய்யருக்குப் பொய் உரைத்தால் வெற்றி ஆம்;
அவருக்குப் பொய் ஆகாத
மெய்யருக்குப் பொய் உரைத்தால், தேய்பிறை போல்
தவம் குறையும், மிடி உண்டாகும்;
துய்ய தாய் தந்தையர்க்குப் பொய் உரைத்தால்,
வறுமை பிணி தொலையா; என்றும்
உய்ய அருள் தேசிகற்குப் பொய் உரைத்தால்,
நரகமது உண்மை தானே.
அந்தகக் கவி வீரராகவர் பாடிய இப் பாடலின் பொருள்......
🌻பொய்யே சொல்பவரிடத்தில் பொய் சொன்னால் வெற்றி உண்டாகும்.
🌻பொய்யை விரும்பாத மெய்யரிடம் பொய் சொன்னால், பிறைச் சந்திரன் தேய்வது போல புண்ணியப் பயன் தேய்ந்து போகும். அதுவும் அல்லாமல் வறுமையும் உண்டாகும்.
🌻தூய அன்பு உடைய தாய்தந்தையரிடம் பொய் சொன்னால், வறுமையும் நோயும் எப்போதும் நீங்கா.
🕉உய்வதற்கு எப்போதும் நல்ல வழியைக் காட்டும் குருநாதரிடம் பொய் சொன்னால், நரகம் கிட்டும்.
No comments:
Post a Comment