தன்னுடன்
பிறவாத் தம்பி,
தனைப் பெறாத் தாயார் தந்தை,
அன்னியர்
இடத்துச் செல்வம்,
அரும்பொருள், வேசி ஆசை,
மன்னிய
ஏட்டின் கல்வி,
மறுமனையாட்டி வாழ்க்கை,
இன்னவாம்
கருமம் எட்டும்
இடுக்கத்துக்கு உதவாது அன்றே. 16.
1.
தன்னுடன் பிறக்காத தம்பியும்,
2.
தன்னைப் பெற்று எடுக்காத தாயும்,
3.
தன் சொந்தம் அல்லாத தந்தையும்,
4.
தனக்கு அன்னியமான ஒருவரிடத்தில் உள்ள செல்வமும்,
5.
தனக்குக் கிடைப்பதற்கு அரிதாகியதும், வராத இடத்தில் கொடுத்து வைத்த பொருளும்,
6.
பரத்தை ஒருத்தி பால் கொண்ட அன்பும்,
7.
மனப்பாடம் இல்லாமல், ஏட்டிலே மட்டும் உள்ள
கல்வியும்,
8.
தனக்கு உரிமை இல்லாத, வேற்று மனையவளோடு சேர்ந்து
வாழும் வாழ்க்கையும்,
ஆகிய
இவை எட்டும்,
ஒருவனுக்குத்
துன்பம் வந்தபோது உதவாதவை.