திரு அழுந்தூர்
(தேரழுந்தூர்)
சோழ நாட்டு, காவிரித் தென்கரைத் திருத்தலம்.
மயிலாடுதுறை - கும்பக்கோணம் இரயில் பாதையில்
தேரழுந்தூர் நிலையத்திலிருந்து 3-கி.மீ. தூரம்.
இவ்வூர் தற்போது தேரழுந்தூர், தேரழந்தூர் என்றெல்லாம் மக்களால்
வழங்கப்படுகிறது.
இறைவர்
: வேதபுரிசுவரர், அத்யாபகேசர்
இறைவியார்
:
சௌந்தரியாம்பிகை
தல
மரம் : சந்தனம்
தீர்த்தம் : வேதாமிர்த தீர்த்தம்
தேவாரப்
பாடல்கள் : சம்பந்தர் - தொழுமா றுவல்லார்)
அகத்தியர் இத்தல இறைவனைப் பூஜிப்பதை அறியாது ஊர்த்துவ ரதன்
என்னும் அரசன் ஆகாயத்தில் செலுத்திய தேர் செல்லாமல் அழுந்திய காரணத்தினால் இத்தலம்
தேர்-அழுந்தூர் = தேரழுந்தூர் என்று வழங்குகிறது என்னும் வழக்குள்ளது.
வேதங்கள், தேவர்கள், திசைப்பாலகர்கள் வழிபட்டத் திருத்தலம்.
இத்தலம் "சந்தனவனம்" என்றும் விளங்கியுள்ளது.
ஐந்து நிலை இராஜகோபுரத்துடன் மேற்கு நோக்கிய சந்நிதி.
இராஜகோபுரத்தைக் கடந்தவுடன் இடதுபுறம் ஸ்ரீமடேஸ்வரர் ஆலயம் உள்ளது.
சித்திரையில் பெருவிழா நடைபெறுகின்றது. ஆனித் திருமஞ்சனம், நவராத்திரி, கார்த்திகைச்
சோமவாரங்கள், ஆருத்ரா, கந்தசஷ்டி முதலிய சிறப்பு விழாக்களும்
நடைபெறுகின்றன. மாசியில் நடைபெறும் புனர்வசு விழா சிறப்பானது.
இங்கு அகத்தியருக்கும், காவிரிக்கும் சந்நிதி உள்ளது.
இது கம்பர் அவதரித்த ஊராகும். அவர் வாழ்ந்த இடம் "கம்பர்
மேடு" என்று வழங்குகிறது.
இரும்பிடர்த் தலையார் என்னும் தமிழ்ச் சான்றோரும் வாழ்ந்த பதி.
வள்ளல் பெருமான் தாம் பாடி அருளி விண்ணப்பக் கலிவெண்பாவில், "வருத்து
மயல் நாளும் அழுந்து ஊர் நவை அறுக்கும் அன்பர் உள்ளம் நீளும் அழுந்தூர் நிறை தடமே"
என்று போற்றி உள்ளார்.
திருஞானசம்பந்தர் திருப்பதிக வரலாறு
பெரிய
புராணப் பாடல் எண் : 434
நிலவு
மாளிகைத் திருநல்லம் நீடுமா மணியை
இலகு
சேவடி இறைஞ்சிஇன் தமிழ்கொடு துதித்து,
பலவும்
ஈசர்தம் திருப்பதி பணிந்துசெல் பவர்தாம்
அலைபு
னல்திரு அழுந்தூர்மா டக்கோயில் அடைந்தார்.
பொழிப்புரை : நிலைபெற்ற மாளிகைகளைக் கொண்ட
திருநல்லத்தில் எழுந்தருளியிருக்கும் இறைவரின் விளங்கும் திருவடிகளை வணங்கி, இனிய
தமிழ் மாலை பாடி, அருகிலுள்ள திருப்பதிகள் பலவற்றையும் வணங்கிச் செல்லும்
பிள்ளையார், அலைகளை உடைய நீர் சூழ்ந்த திருஅழுந்தூர் மாடக்கோயிலைச்
சென்றடைந்தார்.
பெ.
பு. பாடல் எண் : 435
மன்னு
மாமடம் மகிழ்ந்தவான் பொருளினை வணங்கி,
பன்னு
பாடலில் பதிகஇன் னிசைகொடு பரவி,
பொன்னி
மாநதிக் கரையினில் மீண்டும்போந்து அணைந்து
சொன்ன
வாறுஅறி வார்தமைத் துருத்தியில் தொழுதார்.
பொழிப்புரை : நிலையான மாமடம் என்று திருப்பாட்டினுள்
குறிக்கப்பெற்ற கோயிலில் மகிழ்ந்து வீற்றிருக்கின்ற பெரும்பொருள் ஆன இறைவரை, போற்றி
ஏத்தும் திருப்பதிகத்தைப் பண்ணுடன் பாடி, வணங்கி, காவிரிக் கரையில் மீளவும் வந்து
சேர்ந்து, சொன்னவாறு
அறிவாரைத் திருத்துருத்தியில் பிள்ளையார் வணங்கினார்.
திருவழுந்தூரில் அருளிய பதிகம், `தொழுமாறு' (தி.2
ப.20) எனத்
தொடங்கும் இந்தளப் பண்ணில் அமைந்த பதிகமாகும். இப்பதிகத்தில் 5ஆவது
பாடல் நீங்கலாக மற்றப் பாடல்களில் எல்லாம் `மாமடம் மன்னினையே' என
அருளப் பெறும் நிலைகண்டு, `மன்னுமாமடம் மகிழ்ந்த வான் பொருளினை' என்றார்.
ஏழாவது பாடலில் `மாநகர்' என்று அருளுகின்றார்.
திருஞானசம்பந்தர் திருப்பதிகம்
2.020 திருஅழுந்தூர் பண்
- இந்தளம்
திருச்சிற்றம்பலம்
பாடல்
எண் : 1
தொழுமா
றுவல்லார், துயர்தீ ரநினைந்து,
எழுமா
றுவல்லார் இசைபா ட,விம்மி
அழுமா
றுவல்லார் அழுந்தை மறையோர்
வழிபா
டுசெய்மா மடம்மன் னினையே.
பொழிப்புரை :தொழும் வகையிலும், பிறவித்துயர்தீர
நினைந்தெழும் வகையிலும், பிறர் இசைபாட விம்மி அழும் வகையிலும்
வல்லவராய மறையவர் வழிபாடு செய்ய, `பெருமானே நீ அழுந்தையில் சிறந்துள்ள
மடம் எனப்பெயரிய கோயிலில் எழுந்தருளியுள்ளாய்`.
பாடல்
எண் : 2
கடல்
ஏறியநஞ்சு அமுதுஉண் டவனே,
உடலே, உயிரே, உணர்வே, எழிலே,
அடல்
ஏறுஉடையாய், அழுந்தை மறையோர்
விடலே, தொழமா
மடமே வினையே.
பொழிப்புரை :`கடலின்கண்
எழுந்த நஞ்சை அமுதாக உண்டவனே! உடல், உயிர், உணர்வாக இருப்பவனே! அழகனே! வலிமை
பொருந்திய ஆனேற்றை உடையவனே! அழுந்தையில் வாழும் மறையவர் தலைவனே`! எனத்தொழ, `பெருமானே!
நீ சிறந்த மடம் எனப் பெயரிய கோயிலில் எழுந்தருளியுள்ளாய்`.
பாடல்
எண் : 3
கழிகா
டலனே, கனல் ஆடலினாய்,
பழிபாடு
இலனே அவையே பயிலும்
அழிபாடு
இலராய் அழுந்தை மறையோர்
வழிபா
டுசெய்மா மடமன் னினையே.
பொழிப்புரை :`பலரும்
வெறுக்கும் சுடுகாட்டில் உறைபவனே! கனலில் நின்று ஆடுபவனே! பிறரால் பழிக்கப்படும்
இயல்புகள் இல்லாதவனே`! எனப்பலவாறு உன்புகழையே பலகாலும்
சொல்லும் அழிவுபாடற்ற அந்தணர் வழிபாடு செய்யும் அழுந்தை என்னும் தலத்தில், பெருமானே!
நீ எழுந்தருளியுள்ளாய்.
பாடல்
எண் : 4
வானே, மலையே, எனமன்
உயிரே,
தானே
தொழுவார் தொழுதாள் மணியே,
ஆனே, சிவனே, அழுந்தை
அவர்எம்
மானே
எனமா மடமன் னினையே.
பொழிப்புரை :அன்பர்கள் `வானே! மலையே!` என்று கூற மன்னிய உயிரே! தாமே
வணங்குவார் வணங்குதற்குரிய திருவடிகளை உடைய மணியே! ஆன் (பசு) வடிவாக விளங்குபவனே!
சிவனே! அழுந்தை என்னும் பதியில் வாழும் மறையவர் எம் தலைவனே` எனப்போற்றப், `பெருமானே!
நீ மடம் எனப் பெயரிய கோயிலுள் விளங்குகின்றாய்`.
பாடல்
எண் : 5
அலைஆர்
புனல்சூழ் அழுந்தைப் பெருமான்,
நிலைஆர்
மறியும், நிறைவெண் மழுவும்,
இலைஆர்
படையும் இவைஏந் துசெல்வ,
நிலையா
வதுகொள்க எனநீ நினையே.
பொழிப்புரை :அலைகள் வீசும் ஆறுகள் சூழ்ந்த அழுந்தைப்
பதியில் உறையும் பெருமானை அவன் கையில் ஏந்திய நிலையான மான், கையில்
ஏந்திய வெண்மையான மழு, இலைவடிவமான சூலம் ஆகியவற்றோடு, உள்ளத்தில்
ஏந்துதலே நிலையான செல்வம் எனக் கொள்க. அவனையே நீ நினைக.
பாடல்
எண் : 6
நறவுஆர்
தலையின் நயவா, உலகில்
பிறவா
தவனே, பிணிஇல் லவனே,
அறைஆர்
கழலாய், அழுந்தை மறையோர்
மறவாது
எழமா மடமன் னினையே.
பொழிப்புரை :அடியவர் கட்டிய மலர்களால் தலையில் தேன் பொருந்திய
நயம் உடையவனே! உலகில் பிறவாதவனே! நோயற்றவனே! ஒலிக்கின்ற வீரக்கழலை அணிந்தவனே!
அழுந்தையில் வாழும் மறையவர் மறவாது எழுந்து தொழ, அங்குள்ள சிறந்த மடம் எனப்பெயரிய
கோயிலில் உள்ளாய்.
பாடல்
எண் : 7
தடுமாறு
வல்லாய், தலைவா, மதியம்
சுடுமாறு
வல்லாய், சுடரார் சடையில்
அடும்ஆறு
வல்லாய், அழுந்தை மறையோர்
நெடுமா
நகர்கை தொழநின் றனையே.
பொழிப்புரை :உன்னை உணர்வதில் தடுமாற்றத்தை
விளைப்பவனே! தலைவனே! காதல் வயப்பட்ட மகளிரை நீ சூடிய மதியால் சுடும்படி செய்பவனே!
ஒளிபொருந்திய சடையின்மேல் உலகை அட வந்த கங்கையாற்றைச் சூடியவனே! அழுந்தையில்
மறையவர் கைகளால் தொழ நீண்டுயர்ந்த பெரிய கோயிலில் எழுந்தருளியுள்ளாய்.
பாடல்
எண் : 8
பெரியாய், சிறியாய், பிறையாய், மிடறு
கரியாய், கரிகாடு, உயர்வீடு
உடையாய்,
அரியாய்
ஒளியாய் அழுந்தை மறையோர்
வெரியார்
தொழமா மடம்மே வினையே.
பொழிப்புரை :பெரியவனே! நுண்ணியனே! பிறை சூடியவனே!
கண்டம் கரியவனே! சுடுகாட்டை உயர்ந்த வீடாகக் கொண்டவனே! அறிதற்கு அரியவனே!
அன்பர்க்கு எளியவனே! அழுந்தையில் பழிபாவங்கட்கு அஞ்சும் மறையவர் வணங்க நீ சிறந்த
மடம் என்னும் கோயிலில் விளங்குகின்றாய்.
பாடல்
எண் : 9
மணிநீள்
முடியான் மலையை அரக்கன்
தணியாது
எடுத்தான் உடலம் நெரித்த
அணிஆர்
விரலாய், அழுந்தை மறையோர்
பணி,மா
மடம்மன் னிஇருந் தனையே.
பொழிப்புரை :மணிகள் இழைத்த நீண்ட மகுடம்
சூடியமுடியனாகிய இராவணன் கயிலைமலையைப் பொறுமையின்றி எடுத்தபோது, அவனது
உடலை நெரித்த அழகிய கால் விரலை உடையவனே! அழுந்தைப் பதியில் மறையவர் போற்ற அழகிய
மடம் என்னும் கோயிலில் நீ நிலையாக எழுந்தருளியுள்ளாய்.
பாடல்
எண் : 10
முடிஆர்
சடையாய், முனம்நாள் இருவர்
நெடியான்
மலரான் நிகழ்வால் இவர்கள்
அடிமேல்
அறியார் அழுந்தை மறையோர்
படியால்
தொழ,மா மடம்பற் றினையே.
பொழிப்புரை :சடைமுடியை உடையவனே! முற்காலத்தே
திருமால் பிரமன் ஆகிய இருவர் தம்முள் செருக்கி உன் அடிமுடிகளை அறிய முற்பட்டு
அறியாதவர் ஆயினர். அழுந்தைப்பதியுள் மறையவர் விதிமுறைப்படி வழிபட வணங்கிப் போற்ற, சிறந்த
மடம் எனப் பெயரிய கோயிலில் நீ விளங்குகின்றாய்.
பாடல்
எண் : 11
அருஞா
னம்வல்லார் அழுந்தை மறையோர்
பெருஞா
னம்உடைப் பெருமான் அவனைத்
திருஞா
னசம்பந் தனசெந் தமிழ்கள்
உருஞா
னம்உண்டாம் உணர்ந்தார் தமக்கே.
பொழிப்புரை :எய்தற்கரிய திருவருள் ஞானம்
பெற்றவர்களாகிய மறையவர் வணங்கிப் போற்ற அழுந்தைப் பதியில் விளங்கும் பெரிய ஞானமே
வடிவாக உடைய பெருமானை, திருஞானசம்பந்தன் போற்றிப் பாடியதான
இத்திருப்பதிகத்தை ஓதி உணர்ந்தவர்க்கு உண்மை உணர்வு உண்டாகும்.
திருச்சிற்றம்பலம்